BMT-nin Fələstin üzrə konfransı iyulun 28-30-a planlaşdırılıb

İlkin olaraq iyun ayına planlaşdırılan Yaxın Şərq üzrə yüksək səviyyəli beynəlxalq konfrans iyulun 28-dən 30-dək BMT-nin Nyu-Yorkdakı mənzil-qərargahında keçiriləcək.

Operativ Media xəbər verir ki, bu barədə BMT Baş Assambleyasının 79-cu sessiyasının sədri Şeron Birçin rəsmi nümayəndəsi məlumat verib.

Tədbir İsrail və İran arasında baş vermiş münaqişə səbəbindən təxirə salınıb. “Konfrans iyulun 28-dən 30-dək keçiriləcək,” – deyə o bildirib.

Qeyd edək ki, Səudiyyə Ərəbistanı və Fransa iyunun 17-dən 20-dək BMT-nin Nyu-Yorkdakı mənzil-qərargahında İsrail-Fələstin münaqişəsinin iki dövlətli həllinə nail olmaq məqsədiylə qlobal səyləri gücləndirməyə yönəlmiş yüksək səviyyəli konfransa ev sahibliyi etməli idilər. Lakin iyunun 13-də İsrail və İran arasında silahlı münaqişənin başlaması fonunda Fransa prezidenti Emmanuel Makron tədbirin “logistika və təhlükəsizlik problemləri” səbəbindən təxirə salındığını açıqlayıb.

Ümumilikdə, Fələstin Dövlətini BMT-yə üzv olan 148 ölkə tanıyır. Hazırda 95 ölkədə Fələstinin səfirlikləri və daimi nümayəndəlikləri fəaliyyət göstərir. Rusiyanın hüquqi varisi olan Sovet İttifaqı Fələstin Dövlətini 1988-ci ildə tanımışdır.