Son 24 saat ərzində İsrail ordusunun Qəzza zolağına endirdiyi zərbələr nəticəsində 95 fələstinli həlak olub.
Operativ Media xəbər verir ki, bu haqda Qətərin "Əl-Cəzirə" telekanalı məlumat yayıb.
Telekanal bildirir ki, İsrail Qəzza zolağına, o cümlədən məşğul bazara və su paylama məntəqəsinə hücumlarını davam etdirib. Hücumlar nəticəsində ən azı 95 fələstinli həlak olub. İsrailin Qəzza şəhərindəki bazara hücumu nəticəsində azı 17 nəfər həyatını itirib. Nuseyrat qaçqın düşərgəsində İsrail raketinin su paylama məntəqəsinə düşməsi nəticəsində içməli su almaq üçün növbəyə durmuş, aralarında 7 uşaq olan 10 nəfər həlak olub, 17 nəfər isə yaralanıb.
