Yaponiya G7 çərçivəsində Rusiyaya qarşı mümkün yeni sanksiyaları nəzərdən keçirmək niyyətindədir

Yaponiya hökuməti Yeddilik (G7) ölkələri ilə sıx əməkdaşlıq çərçivəsində Rusiya Federasiyasına qarşı yeni məhdudlaşdırıcı tədbirlərin tətbiqi imkanlarını nəzərdən keçirəcək.

Operativ Media xəbər verir ki, bunu Yaponiya Nazirlər Kabinetinin baş katibi Yoşimasa Hayaşi növbəti mətbuat konfransında deyib.

"Biz mümkün qədər tez Ukraynada sülhə nail olmaq üçün lazım olanlara əsaslanaraq müəyyən addımların atılması zərurəti ilə bağlı qərarlar qəbul etməyə davam edəcəyik və beynəlxalq ictimaiyyətlə, ilk növbədə G7 ilə sıx əməkdaşlıq edəcəyik. Bizim bu əsas mövqeyimizdə heç bir dəyişiklik yoxdur", o, jurnalistlərin ABŞ prezidenti Donald Trampın Rusiyaya 100% idxal rüsumları tətbiq edəcəyi təqdirdə Yaponiyanın Rusiyaya yeni məhdudiyyətlər tətbiq etməyi planlaşdırıb-planlaşdırmayacağı ilə bağlı sualını cavablandırıb. Hayaşi xatırladıb ki, Yaponiya Ukraynadakı vəziyyətə görə beynəlxalq ictimaiyyət və G7 ölkələri ilə sıx əməkdaşlıq edərək Rusiyaya qarşı sərt sanksiyalar tətbiq edib və hələ də qüvvədə saxlayır.