İsrailin zərbələri nəticəsində Qəzzada son 24 saat ərzində 61 fələstinli həlak olub

İsrail Müdafiə Qüvvələrinin Qəzza zolağına endirdiyi zərbələr zamanı son 24 saat ərzində 60-dan çox fələstinli həlak olub.

Operativ Media xəbər verir ki, bu haqda Qətərin "Əl-Cəzirə" telekanalı tibbi mənbələrə istinadən məlumat yayıb.

Telekanal qeyd edir ki, İsrailin Qəzzaya hücumları nəticəsində azı 61 nəfər həlak olub. Anklavın şimalındakı Şati qaçqın düşərgəsinə endirilən hava zərbəsi nəticəsində 23 nəfər ölüb, onlarla insan yaralanıb. İsrailin ABŞ-nin idarə etdiyi Qəzza Humanitar Fonduna (GHF) məxsus cənub zolağında Rafahda yardım paylama məntəqəsinə edilən hücumda daha 2 nəfər ölüb, 30-dan çox insan yaralanıb.