Koreya Respublikası INTOSAI-nın 2026-2028-ci illər üzrə kənar auditoru seçilib

Ali Audit Orqanları Asiya Təşkilatının (ASOSAI) 62-ci toplantısı çərçivəsində Ali Audit Orqanlarının Beynəlxalq Təşkilatının (INTOSAI) 2026-2028-ci illər üzrə kənar auditorunun seçilməsi məqsədilə səsvermə keçirilib.

Operativ Media xəbər verir ki, səsvermədə dörd ölkənin - Azərbaycan, Qazaxıstan, Koreya Respublikası və Tailandın namizədliyi qeydə alınıb.

Birinci mərhələdə Azərbaycan və Koreya Respublikası eyni sayda - hərəsi 4 səs topladığı üçün səsvermənin ikinci mərhələsi keçirilib. Bu mərhələdə Koreya Respublikası INTOSAI-nin 2026-2028-ci illər üzrə kənar auditoru seçilib.