Slovakiya Rusiyaya qarşı Avropa sanksiyalarının 18-ci paketinin qəbul edilməsini bloklamayacaq.
Operativ Media-nın məlumatına görə, bu barədə ölkənin baş naziri Robert Fitso "Facebook" sosial şəbəkəsində dərc edilmiş videomüraciətində bildirib.
"Mən Avropa İttifaqındakı nümayəndələrimizə 18-ci sanksiyalar paketinə yol açmaq üçün təlimat verirəm", - baş nazir bəyan edib.
Fitso qeyd edib ki, Rusiyaya qarşı yeni sanksiyaları bloklamağa davam etmək Avropa Komissiyası ilə enerji resursları üzrə danışıqlar kontekstində əks-məhsuldar addım olar.
Qeyd edək ki, Rusiyaya qarşı sanksiyalarla bağlı müzakirələr iyulun 18-də keçiriləcək.
