Rəhman Xəlilov şirkətində axtarış aparması ilə bağlı məlumatları təkzib edib - YENİLƏNİB

Rusiyanın ən böyük neft məhsulları daşıyıcısı olan “REILGO MMC” şirkətinin rəhbəri Rəhman Xəlilov Rusiya təhlükəsizlik qüvvələrinin şirkətin ofisində axtarışlar aparması ilə bağlı yayılan məlumatları təkzib edib.

Operativ Media xəbər verir ki, o, bu barədə sosial şəbəkədə məlumat yayıb.

“Şirkətimizdə hər şey qaydasındadır, heç bir axtarış olmayıb, sakitlikdir”, - o deyib.

“REILGO MMC”-dən “Report”a bildirilib ki, şirkətlə bağlı hər hansı əməliyyat-istintaq tədbirləri həyata keçirilməyib.

“REILGO MMC” ofisində axtarış həyata keçirilməsi ilə bağlı istənilən məlumatı rəsmi olaraq təkzib edir və məsuliyyətlə bildirir ki, bu gün - 25 iyul 2025-ci il tarixində şirkətin ofisində iş adi rejimdə aparılıb”, - şirkətdən bildirilib.

17:12

Rusiyada azərbaycanlı iş adamı Rəhman Xəlilova məxsus neft məhsullarının daşınması ilə məşğul olan “Railgo” şirkətinin ofisində bu gün axtarışlara başlanılıb.

Operativ Media "Mash"a istinadən xəbər verir ki, ərazidə xüsusi təyinatlılar və müstəntiqlər işləyirlər.

Hüquq-mühafizə orqanlarının əməkdaşları sənədləri müsadirə edir və işçiləri binadan çıxmağa qoymurlar.