Quraqlıq səbəbindən Fransanın ərazisinin təxminən 70%-də su istifadəsinə məhdudiyyətlər tətbiq olunub.

Operativ Media xəbər verir ki, bu barədə Fransanın Ekoloji Keçid Nazirliyi məlumat yayıb.

Nazirlik bildirib ki, ölkədə xüsusilə şiddətli quraqlıq müşahidə olunur və iqlim dəyişiklikləri su ehtiyatlarına təzyiqi artırır.

Hazırda 67 departamentdə su çatışmazlığı ilə əlaqədar ən yüksək böhran səviyyəsi elan edilib, daha 21 departamentdə isə yüksək səviyyəli həyəcan siqnalı tətbiq olunur.

Qeyd edilir ki, böhran rejimində sudan yalnız səhiyyə, mülki təhlükəsizlik, içməli su və sanitariya məqsədləri üçün istifadəyə icazə verilir.