ABŞ prezidenti Donald Trampı dəstəkləyən “The Republicans for National Renewal” adlı qeyri-kommersiya təşkilatı prezidentlərin üçüncü müddətə seçilməsinə icazə verilməsinin zəruriliyini əsaslandıran rəsmi sənəd hazırlayır.
Operativ Media xəbər verir ki, bu barədə Wall Street Journal qəzeti təşkilatın ictimaiyyətlə əlaqələr şöbəsinin rəhbəri Şeyn Trexoya istinadən məlumat yayıb.
Onun sözlərinə görə, təşkilat “Üçüncü müddət layihəsi” (“Project Third Term”) adlı kampaniyaya başlayıb.
Bildirilib ki, təşkilatın siyasət üzrə komandasının hazırladığı sənəddə prezidentlərə üçüncü müddətə seçilməyə icazə verilməsinin vacibliyi əsaslandırılır.
