Türkiyədə binanın çökməsi nəticəsində bir ailənin dörd üzvü ölüb

Türkiyənin Kocaeli vilayətinin Gebze rayonunda çökən yeddimərtəbəli binada aparılan axtarış-xilasetmə işləri başa çatıb.

Operativ Media xəbər verir ki, bu barədə "TRT Haber" məlumat yayıb.

Bildirilib ki, dağıntılar altında eyni ailənin 4 üzvü həyatını itirib. Yalnız ailənin bir üzvü 18 yaşlı Dilarə Bilir sağ qalıb. 

Qeyd edək ki, bina oktyabrın 28-i saat 7:30 radələrində çöküb.