Rusiyada "Telegram" və "WhatsApp"ın işində çətinlik yaşanıb

Rusiya operatorlarına "Telegram" və "WhatsApp" podratçılarından yeni istifadəçilər qeydiyyatdan keçmək istəyən zaman onlara SMS və telefon zəngləri göndərməyi dayandırmaq tapşırılıb.

Operativ Media xəbər verir ki, operatorlar artıq direktivə əməl etməyə başlayıblar və bu, qeydiyyatdan keçmiş istifadəçilərə də təsir edəcək.

Bildirilib ki, "Telegram" və "WhatsApp"da yeni istifadəçilərin qeydiyyatı tezliklə qeyri-mümkün ola bilər.

Mövcud hesabların avtorizasiyası daha da çətinləşə bilər, çünki istifadəçilər artıq elektron poçt vasitəsilə kodu almaq və ya aktiv olduqda hesabdan başqa cihazda istifadə etmək kimi alternativ üsullardan istifadə etməli olacaqlar.