ABŞ-nin Venesuela sahillərində hərbi mövcudluğu 16 min əsgərə çata bilər

Amerika  Birləşmiş Ştatları narkotik qaçaqmalçılığı ilə mübarizə üçün Venesuela sahillərindəki əsgərlərinin sayını artırır və potensial olaraq 16,000 əsgərə çata bilər.

Operativ Media xəbər verir ki, bu barədə "The Washington Post" məlumat yayıb.

Qəzetin məlumatına görə, Amerika qrupu səkkiz döyüş gəmisi, bir nüvə sualtı qayığı və xüsusi təyinatlı gəmidən ibarətdir.

Onlar həmçinin, B-52 strateji bombardmançı və F-35 qırıcı təyyarələri də daxil olmaqla, Karib dənizindəki ABŞ hava bazalarından hava müdafiəsi alırlar. Bundan başqa, ABŞ Hərbi Dəniz Qüvvələrinin ən böyük təyyarədaşıyan gəmisi "USS Gerald R. Ford" və beş müşayiət gəmisi artıq Avropadan Venesuela sahillərinə doğru yola düşür və yaxın günlərdə bölgəyə çatacaq.