İordaniya ilə əczaçılıq sahəsində müştərək layihələrimiz ola bilər.

Operativ Media xəbər verir ki, bu barədə maliyyə naziri Sahil Babayev Azərbaycan və İordaniya arasında Ticarət, İqtisadi və Texniki Əməkdaşlıq üzrə Hökumətlərarası Komissiyanın 4-cü iclası çərçivəsində keçirilən brifinqdə deyib. 

Nazir bildirib ki, kənd təsərrüfatı sahəsində kifayət qədər potensial mövcuddur. 

“Biz İordaniya bazarında bu sahənin potensialını görürük. Turizm sahəsində hər iki ölkədən turistik axın var və Azərbaycana səfər edən İordaniya turistlərinin sayı ötən illə müqayisədə bu il 50 faiz artıb. İordaniyanın 37 vətəndaşı Azərbaycanda təhsil alır”, - deyə nazir əlavə edib.