Media nümayəndələri Qafqazın ilk aqroekoturizm məkanı olan “Bio Garden”də olublar

Şəkidə yerləşən “Bio Garden” təsərrüfatı respublikada müasir aqroekoturizmin inkişafı məqsədilə 2009-cu ildə 8 hektar ərazidə yaradılıb.

Operativ Media-nın Şəkiyə ezam olunmuş müxbiri xəbər verir ki, bu barədə təsərrüfatın rəhbəri Etibar Nuriyev məlumat verib.

Onun sözlərinə görə, ərazidə respublikanın müxtəlif bölgələrində yetişdirilən, eləcə də dünyanın digər ölkələrindən gətirilmiş müxtəlif növ meyvə və giləmeyvələr ekoloji təmiz və orqanik şəkildə yetişdirilir:

“Artıq 18 ildir “Bio Garden”in yaradılmasında ailəmlə birlikdə fəaliyyət göstərirəm. Burada ilk layihə tərəfimizdən hazırlanıb. Layihənin təqdimatı və təbliği ilə də özüm məşğul oluram”.

Qeyd edək ki, “Bio Garden” Şəkidə fəaliyyət göstərən və respublikada ilk aqroturizm təsərrüfatı kimi tanınan aqroekoturizm mərkəzidir.