Qərbi Avropa ölkələrindən Azərbaycana gələn turistlərin sayı açıqlanıb

Bu ilin yanvar-oktyabr aylarında Qərbi Avropa ölkələrindən Azərbaycana 95 mindən çox xarici vətəndaş səfər edib ki, bu da 2024-cü ilin müvafiq dövrü ilə müqayisədə 8,8 faiz çoxdur.

Dövlət Turizm Agentliyindən Operativ Media-ya verilən məlumata əsasən, təkcə cari ilin oktyabr ayında qeyd edilən regiondan gələnlərin sayı 11,5 mindən çox təşkil edib. Bu, 2024-cü ilin oktyabr ayına nisbətdə 0,2 faiz çox, cari ilin sentyabr ayına nisbətdə isə 27,8 faiz azdır.

2025-ci ilin oktyabr ayında Qərbi Avropa ölkələrindən Azərbaycana gələn turistlərin sayına görə TOP 10 ölkə:

Almaniya – 2690

Birləşmiş Krallıq – 2530

İtaliya – 1642

Fransa – 799

İspaniya – 762

Niderland – 606

Belçika – 384

İsveçrə - 335

Avstriya – 310

Portuqaliya – 304