"Real Madrid" "Bavariya"nın müdafiəçisini transfer edəcək
"Real Madrid" komandanın ən zəif mövqelərini gücləndirmək üçün artıq gələn mövsüm üçün heyətini planlaşdırmağa başlayıb.
Operativ Media "Don Balon"a istinadən xəbər verir ki, "Real Madrid"in prezidenti Florentino Peres Dayot Upamekanonun Madrid klubuna transferi üçün yekun razılıq alıb. Müdafiəçi "Bavariya" ilə müqaviləsi mövsümün sonunda başa çatdığı və yenilənməyəcəyi üçün pulsuz transfer olunacaq.
Klub artıq oyunçu ilə şifahi razılığa gəlib və onun "Bavariya" ilə müqaviləsinin uzadılmasını dayandıran rəqabətədavamlı maaş da daxil olmaqla, bütün şəxsi tələblərini yerinə yetirməyə hazırdır.
Upamekano 2021-ci ildən bəri "Bavariya"nın şərəfini qoruyur. Onun karyerası həmçinin "RB Leypsiq", "Liferinq" və "Red Bull Salzburq" kimi klublarda da olub. O, 2020-ci ildən Fransa millisinə çağırılır.
