"Mançester Siti", "Mançester Yunayted" və "Çelsi" Munozla maraqlanır
"Mançester Siti", "Mançester Yunayted" və "Çelsi" "Kristal Palas"ın müdafiəçisi Daniel Munozu transfer etmək imkanlarını araşdırırlar.
Operativ Media xəbər verir ki, bu haqda "CaughtOffside" məlumat yayıb.
Mənbənin məlumatına görə, "Mançester Siti" son aylarda 29 yaşlı kolumbiyalı futbolçunu yaxından izləyir. "Siti"nin baş məşqçisi Pep Qvardiola onun atletik qabiliyyətini və gərgin pressinqini bəyənir. "Çelsi" və "Mançester Yunayted" də Munozu transfer etmək istəyir.
Artan marağa baxmayaraq, "Kristal Palas" klubu Munozun 2026-cı ilin yanvar ayında satışa çıxarılmayacağını açıq şəkildə bildirib.
2025/26 mövsümündə Munoz 23 matçda dörd qol vurub və iki məhsuldar ötürmə edib. Onun "Kristal Palas"la müqaviləsi 30 iyun 2028-ci ilə qədərdir.
"Transfermarkt" oyunçunun transfer dəyərini 27 milyon avro olaraq qiymətləndirir.
