Flik: "Ter Ştegen kapitandır və "Barselona" üçün çox vacibdir"
"Barselona"nın baş məşqçisi Hansi Flik İspaniya Kubokunun 1/16 final matçında "Qvadalaxara" üzərində qazanılan qələbəni (2:0) şərh edib.
Operativ Media xəbər verir ki, o, zədədən qayıdan Ter Ştegen haqda danışıb.
"Kral Kubokunda oynamaq asan deyil, amma nəticə etibarilə ən vacib şey münasibət və mentalitetdir və biz bunu nümayiş etdirdik. Ter Ştegen kapitandır və komanda üçün çox vacibdir. Bu gün onun oynamaq imkanı var idi və mən ona Kral Kuboku kimi bir yarışda bunu verdim. Ona hörmət edirəm. Bu, onun geri dönüşündə daha bir addım idi."
Flik belə rəqiblərə qarşı oynamağın çətin olduğunu qeyd edib.
"Qvadalaxara" kimi komandalara qarşı matçlar həmişə çətin olur. Meydanda qətiyyət qələbənin açarıdır. Hər iki komanda bunu nümayiş etdirdi və biz qalib gəldik".
