"Botafoqo"nun baş məşqçisi istefa verdi
İtaliyalı baş məşqçi Davide Ançelotti təyinatından cəmi beş ay sonra "Botafogo"nun baş məşqçisi vəzifəsindən rəsmi olaraq istefa verib.
Operativ Media xəbər verir ki, bu haqda klubun mətbuat xidməti məlumat yayıb.
36 yaşlı məşqçi komandanı 2025-ci ilin yayında təhvil alıb, lakin uğurlu ola bilməyib. "Botafoqo" mövsümün sonunda Braziliya liqasında altıncı yeri tutub, lakin bu, məşqçilər heyətini saxlamaq üçün kifayət etməyib.
Ançelotti ilə yanaşı, onun ən yaxın köməkçiləri də klubu tərk ediblər: fiziki hazırlıq üzrə məşqçi Luka Gerra, eləcə də köməkçiləri Luis Tevenet və Endryu Manqan. İndi "Botafogo" yeni heyətlə yenidənqurmanın növbəti mərhələsinə başlayır.
Klub rəsmi açıqlamasında Ançelottiyə işinə görə təşəkkür edib, onun peşəkarlığını və işə yanaşmasını qeyd edib və gələcək karyerasında uğurlar arzulayıb.
