"Barselona" "Yuventus"un müdafiəçisini transfer etmək istəyir

"Barselona" heyətini yeni mərkəz müdafiəçisi ilə gücləndirmək istəyir. Kataloniya təmsilçisi "Yuventus"un müdafiəçisi Qleyson Bremeri heyətinə qatmaq istəyir.

Operativ Media xəbər verir ki, mərkəz müdafiəçisi olan Bremer "Barselona"nın skautları tərəfindən yaxından izlənilən əsas oyunçulardan birinə çevrilib. Kataloniya klubu bir neçə həftədir ki, bazarı təhlil edərək, uzun illər müdafiəni möhkəmləndirə biləcək dominant, etibarlı mərkəz müdafiəçisi axtarır. Skautların fikrincə, braziliyalı oyunçu bu tələblərə tam cavab verir.

Potensial transferlə bağlı vəziyyət mürəkkəb olaraq qalır. Bremer "Yuventus"un toxunulmaz oyunçularından biri və Turin klubunun layihəsinin vacib hissəsi hesab olunur. Bununla belə, "Barselona" başa düşür ki, bugünkü bazarda elit səviyyədə təklif olarsa, demək olar ki, istənilən oyunçu müzakirəyə çıxarıla bilər. Məlumata görə, "Yuventus" təklif 60 milyon ilə 70 milyon avro arasında olarsa, danışıqlara başlamağa hazırdır.

Qleyson Bremer bu mövsüm "Yuventus"un heyətində bütün turnirlərdə yeddi oyunda iştirak edib və iki məhsuldar ötürmə edib.