Paşinyan: Azərbaycan yanacağı Ermənistan bazarında qiymətləri 15% endirib

"Azərbaycan benzininin idxalı Ermənistanda uzun illərdir mövcud olan monopolistləri bazardan kənarda qoyacaq".

Operativ Media xəbər verir ki, bunu Ermənistanın Baş naziri Nikol Paşinyan bildirib.

O, qeyd edib ki, artıq qonşu ölkədən gətirilən yanacaq sayəsində Ermənistan bazarında qiymətlər orta hesabla 15% azalıb.

O, eyni zamanda Bakı ilə ticarətə qarşı çıxanların narahatlığını yersiz adlandırıb.

“Tərəflər arasında sülh artıq təmin olunub və bu sülhün gələcəkdə rəsmi mexanizmlər və sabit institutlar vasitəsilə möhkəmləndirilməsi nəzərdə tutulur”, – deyə o bildirib.