"Fənərbaxça" Kante ilə razılıq əldə etdi

"Fənərbaxça" nümayəndələri "Əl-İttihad"ın yarımmüdafiəçisi N'Qolo Kanté ilə danışıqlar aparıblar.

Operativ Media xəbər verir ki, bu barədə məlumatı insayder Fabrizio Romano sosial mediada paylaşıb. Tərəflər şəxsi müqavilənin şərtləri barədə razılığa gəliblər.

34 yaşlı fransız futbolçunun Səudiyyə Ərəbistanı klubu ilə hazırkı müqaviləsi bu yay bitir, ona görə də "Fənərbaxça" bu qış transferlə bağlı razılığa gəlməyə ümid edir.

"Transfermarkt" onun dəyərini 4,5 milyon avro olaraq qiymətləndirir.

Bu mövsüm Kante bütün yarışlarda 22 oyunda iştirak edib və bir qol vurub. O, 2023-cü ildən Səudiyyə Ərəbistanında çıxış edir.