"Qarabağ" - "Ayntraxt" oyunu isveçrəli hakimlərə tapşırıldı

UEFA Çempionlar Liqasının Liqa mərhələsində Bakıda keçiriləcək "Qarabağ" - "Ayntraxt" (Almaniya) oyununun hakim təyinatları açıqlanıb.

Operativ Media UEFA-nın saytına istinadən xəbər verir ki, matç İsveçrədən olan hakimlər briqadasına tapşırılıb.

Baş hakim Sandro Şerer olacaq. Ona həmyerliləri Stefan De Almeyda və Yonas Erni kömək edəcək. Dördüncü hakim funksiyasını Yohannes fon Mandak yerinə yetirəcək.

VAR-da Fedayi San, AVAR-da Lukas Fendrix əyləşəcəklər.

Qeyd edək ki, yanvarın 21-də Tofiq Bəhramov adına Respublika stadionunda keçiriləcək "Qarabağ" - "Ayntraxt" görüşü saat 21:45-də başlayacaq.