"Borussiya Dortmund" və “Tottenhem”i rədd edən Timber “Marsel”i seçdi

Dortmund “Borussiya”sı və Londonun “Tottenhem” klubundan gələn təklifləri qəbul etməyən futbolçu Timber karyerasını Fransada davam etdirəcək. O, “Marsel” klubu ilə razılıq əldə edib.

Operativ Media xəbər verir ki, bu haqda insayder Fabrizio Romano məlumat yayıb.

Məlumata görə, transferin məbləği 4,5 milyon avro təşkil edir. Razılaşmaya əlavə olaraq bonuslar da daxildir.

Qeyd olunur ki, “Marsel” hazırda çox iddialı heyət formalaşdırır və istədiyi futbolçuları komandaya cəlb etməkdə çətinlik çəkmir. Klubun baş məşqçisi Roberto De Zerbinin oyunçularla apardığı fərdi danışıqların transfer prosesində həlledici rol oynadığı bildirilir.