“Bornmut” klubu Braziliyanın “Vasko da Qama” komandasında çıxış edən Rayanın transferi ilə bağlı prinsipial razılığa gəlib.

Operativ Media xəbər verir ki, bu haqda insayder Fabrizio Romano məlumat yayıb.

Məlumata görə, tərəflər arasında 35 milyon avroluq paket üzrə şifahi razılaşma əldə olunub. Hazırda sənədlər qarşılıqlı şəkildə mübadilə edilir və yoxlanılır. Prosesin tibbi müayinələrdən öncə bu gün tamamlanması gözlənilir.

Braziliyalı vinger hazırda Cənubi Amerikanın ən perspektivli futbolçularından biri hesab olunur və Premyer Liqaya keçidə hazır olduğu bildirilir.