"Qalatasaray"ın yeni transferi İstanbula gəldi

"Qalatasaray"ın heyətinə qatdığı niderlandlı futbolçu Noa Lanq İstanbula gəlib.

Operativ Media xəbər verir ki, 26 yaşlı futbolçunu hava limanında bir qrup azarkeş qarşılayıb.

"Sarı-qırmızılı" klub sol cinah hücumçusunu sonradan satınalma şərti ilə icarəyə götürüb.

Noa Lanq bu mövsüm “Napoli” forması ilə bütün turnirlərdə 27 oyuna çıxaraq 1 qol vurub.

Karyerası ərzində “Ayaks”, “Tvente”, “Brügge” və PSV klublarının da formasını geyinmiş təcrübəli futbolçu, Niderland millisinin heyətində keçirdiyi 15 oyunda 3 qol müəllifi olub.