Misli Premyer Liqasının 17-ci turunun “Qarabağ” – “Kəpəz” oyununun biletləri bu gün satışa çıxarılacaq.

Operativ Media  xəbər verir ki, azarkeşlər bu gün saat 12:00-dan etibarən biletləri əldə edə bilərlər.

Oyun günü də həm iTicket.az-da onlayn, həm də “Azersun Arena”nın kassasında satış olacaq. Biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.

Qeyd edək ki, sabah “Azersun Arena”da keçiriləcək “Qarabağ” – “Kəpəz” matçı saat 16:30-da başlayacaq.