"Ayntraxt"ın hücumçusu: "Biz hər oyun 3 qol buraxırıq"
Operativ Media
“Ayntraxt”ın (Frankfurt) hücumçusu Ansqar Knauff Çempionlar Liqasının əsas mərhələsinin 7-ci turunda Bakıda “Qarabağ”a (2:3) məğlub olduqları oyunu şərh edib.
Operativ Media xəbər verir ki, “DAZN”a danışan forvard uğursuz nəticəyə görə üzüldüyünü dilə gətirib:
“Belə olmamalıdır. Çox məyusuq. Biz yenə də son dəqiqələrdə iki qol buraxırıq. Təsəvvür edin, biz hər oyunda üç qol buraxırıq. Belə vəziyyətdə qalib gəlmək çox çətindir. Bu, həqiqətən də məyusedicidir".
