Avropa çempionu Dani Quiza İspaniyanın 7-ci divizion klubu ilə müqavilə imzalayıb

İspaniya millisinin keçmiş hücumçusu Daniel Quiza İspaniyanın 7-ci divizionunda çıxış edən "Jerez Industrial" klubuna keçib.

Operativ Media xəbər verir ki, bu haqda klubun mətbuat xidməti məlumat yayıb.

Quiza İspaniya milli komandası ilə 2008-ci ildə Avropa Çempionatının qalibi olub. Klub səviyyəsində o, "Xetafe", "Malyorka", "Fənərbaxça", "Kadiz" və "Barselona"nın gənclər komandasında oynayıb. 2017-ci ildən bəri İspaniyanın aşağı liqalarında çıxış edir.