“Çelsi” Mamadu Sarrı geri çağırır

“Çelsi” klubu mərkəz müdafiəçisi Mamadu Sarrı yenidən heyətinə qaytarmağa hazırlaşır.

Operativ Media xəbər verir ki, bu haqda insayder Fabrizio Romano məlumat yayıb.

Klub rəhbərliyi tərəfindən artıq yekun qərar qəbul edilib və yaxın günlərdə bu istiqamətdə rəsmi addımların atılması gözlənilir.

Seneqal millisinin heyətində Afrika Millətlər Kubokunun qalibi olan Sarr “Çelsi”nin həm indiki, həm də gələcək layihəsi üçün böyük potensiala malik futbolçu kimi dəyərləndirilir. Razılaşmaya əsasən, Mamadu Sarr Londona qayıdacaq, gənc müdafiəçi Aaron Anselmino isə “Strasburq” klubuna keçəcək.