"Arsenal" "Qarabağ"ın rəqibinin futbolçusunu istəyir

"Arsenal" "Nyukasl"ın yarımmüdafiəçisi Sandro Tonali ilə maraqlanır.

Operativ Media xəbər verir ki, bu haqda Jurnalist Florian Plettenberq məlumat yayıb.

Mənbənin məlumatına görə, London klubu gözlənilmədən 25 yaşlı italiyalı futbolçu üçün danışıqları sürətləndirib. "Nyukasl" ilkin təklifi rədd edib.

Tonali 2023-cü ilin yayından bəri "Nyukasl"da oynayır. Bu mövsüm o, bütün yarışlarda 35 oyunda iştirak edib və beş məhsuldar ötürmə edib.

"Transfermarkt" yarımmüdafiəçinin bazar dəyərini 75 milyon avro olaraq qiymətləndirir.