"Qalatasaray" 18 yaşlı qvineyalı yarımmüdafiəçi ilə razılıq əldə etdi

“Qalatasaray” gənc futbolçu Renato Nhaqa transferini rəsmiləşdirməyə yaxındır.

Operativ Media xəbər verir ki, bu haqda Türkiyə mətbuatı məlumat yayıb.

İstanbul təmsilçisi 18 yaşlı yarımmüdafiəçinin keçidi üçün Portuqaliyanın “Casa Pia” klubu ilə 6 milyon avro qarşılığında razılıq əldə edib.

Qvineya millisinin üzvü olan Renato Nhaqa cari mövsümdə “Casa Pia”nın heyətində 24 oyuna çıxıb, 2 qol vurub və 1 məhsuldar ötürmə ilə yadda qalıb.

Gənc futbolçu əsasən yarımmüdafiə xəttində çıxış edir və perspektivli oyunçu kimi dəyərləndirilir.