Azərbaycan Kubokunda 1/4 final mərhələsinə start verilir

Bu gün futbol üzrə Azərbaycan Kubokunda 1/4 final mərhələsinə start veriləcək.

Operativ Media xəbər verir ki, ilk oyun günündə iki qarşılaşma baş tutacaq.

Əvvəlcə "Sumqayıt" "Zirə" ilə üz-üzə gələcək. Sumqayıt şəhər stadionunda keçiriləcək matç saat 17:00-da başlayacaq.

Digər qarşılaşmada isə "Sabah" "Qəbələ"ni qonaq edəcək. "Bank Respublika Arena"da baş tutacaq matç saat 19:30-da oynanılacaq.