Azərbaycan Basketbol Liqasında XVI turun oyunlarına bu gün start veriləcək.

Operativ Media-nın məlumatına görə, turun ilk oyun günündə azarkeşləri bir qarşılaşma gözləyir.

“Sumqayıt” doğma arenada “Lənkəran” komandasını qəbul edəcək. Matç Sumqayıt Olimpiya İdman Kompleksində keçiriləcək və saat 19:00-da başlayacaq.

Hazırda turnir cədvəlinə nəzər saldıqda, “Sumqayıt” B qrupunda 20 xalla beşinci pillədə yer alır. “Lənkəran” isə 19 xalla qrupun sonuncu — altıncı sırasında qərarlaşıb.