AVRO-2026: Azərbaycan yığması püşkatmada birinci səbətdə yer alacaq
Avropa Mini-Futbol Federasiyası Slovakiyada keçiriləcək AVRO-2026 turnirinin püşkatması öncəsi səbətlərin tərkibini açıqlayıb.
Operativ Media-nın məlumatına görə, Azərbaycan milli komandası Slovakiya, Rumıniya, Serbiya, Qazaxıstan və Bolqarıstan yığmaları ilə birlikdə birinci səbətə düşüb.
Digər səbətlərin tərkibi isə belədir:
İkinci səbət: Fransa, Monteneqro, Macarıstan, Çexiya, Ukrayna, Gürcüstan;
Üçüncü səbət: Belçika, İngiltərə, Bosniya və Herseqovina, İtaliya, Polşa, Portuqaliya;
Dördüncü səbət: İsrail, Sloveniya, İspaniya, Yunanıstan, Türkiyə, Avstriya.
Qeyd edək ki, AVRO-2026 turniri 27 may – 4 iyun tarixlərində Slovakiyada keçiriləcək. Yarışın püşkatma mərasimi fevralın 27-də Bratislavada baş tutacaq və Bakı vaxtı ilə saat 20:00-da başlayacaq.
