Azərbaycan Texniki Universitetinin İdman Sarayında keçirilən badminton üzrə “Azerbaijan International 2026” beynəlxalq turnirində ikinci yarış gününə yekun vurulub.

Operativ Media xəbər verir ki, baş sponsor “Silk Way West Airlines” və sponsor “Flex Pro”nun dəstəyi ilə keçirilən “İnternational Challenge” kateqoriyalı turnirdə 33 ölkədən 347 badmintonçu yarışır. “Azerbaijan International 2026” beynəlxalq turnirinin ikinci yarış günündə təsnifat mərhələsinin görüşlərinə yekun vurulub. 

Fevralın 5-dən başlayaraq 5 kateqoriya üzrə əsas mərhələnin pley-off qarşılaşmalarına start veriləcək. Turnirə fevralın 8-də yekun vurulacaq.