Atletika üzrə Azərbaycan çempionatı keçiriləcək

Gənclər və İdman Nazirliyi və Azərbaycan Atletika Federasiyasının təşkilatçılığı ilə qapalı məkanda atletika üzrə ölkə çempionatı keçiriləcək.

Operativ Media federasiyaya istinadən xəbər verir ki, yarış fevralın 6-7-də Bakı Atletika Mərkəzində təşkil olunacaq.

Turnirdə paytaxtla yanaşı, müxtəlif regionları təmsil edən ən güclü atletlər mübarizə aparacaqlar.

Qeyd edək ki, çempionatın rəsmi açılış mərasimi fevralın 6-da, saat 16:00-da keçiriləcək.