"Əl-Hilal"ın hücumçusu Kərim Benzema Səudiyyə Ərəbistanı Premyer Liqasının 21-ci turunda "Əl-Əhdud" üzərində qazanılan 6:0 hesablı qələbəni şərh edib.

Operativ Media xəbər verir ki, 38 yaşlı fransız futbolçu het-trik və bir məhsuldar ötürmə edib.

 "Komanda ilə fəxr edirəm. Dəstəyiniz və səmimi qarşılamanız üçün təşəkkür edirəm", - deyə o, sosial media hesabında yazıb.

Bu, fransız hücumçunun "Əl-Hilal"da debüt matçı idi. O, əvvəllər "Əl-İttihad"da oynayıb.

Benzema karyerası ərzində Səudiyyə Ərəbistanı liqasında 65 oyunda 41 qol vurub və 17 məhsuldar ötürmə edib.