"Qarabağ"ın prezidenti: "Neftçi"dən xahiş edirik ki, matç təxirə salınsın"

“Qarabağ”ın prezidenti Tahir Gözəl jurnalistlərə açıqlama verib.

Operativ Media-nın məlumatına görə, Ağdam təmsilçisinin rəhbəri “Neftçi” ilə oynayacaqları görüşün təxirə salınmasını istədiklərini bildirib:

“Təqvimimiz çox ağırdır, çətindir. “Neftçi” ilə mütəmadi olaraq təmasdayıq. Xahiş edirik ki, matç təxirə salınsın. Amma qərar onlarındır. Bütün qərarlarına hörmətlə yanaşırıq”.

Xatırladaq ki, “Qarabağ” Çempionlar Liqasının pley-off mərhələsinin ilk oyununda ayın 18-i “Nyukasl”la, 21-də isə Azərbaycan Premyer Liqası 21-ci turu çərçivəsində “Neftçi” ilə üz-üzə gələcək.