"Qarabağ" İngiltərədə komandanı dəstəkləmək istəyən azarkeşlərə müraciət etdi

"Qarabağ" FK komandanı İngiltərədə dəstəkləmək istəyən azarkeşlərə müraciət edib.

Operativ Media xəbər verir ki, bu haqda klubun mətbuat xidməti məlumat yayıb.

"Fevralın 25-də UEFA Çempionlar Liqasının "Play-off" mərhələsi çərçivəsində "St James' Park"da keçiriləcək “Nyukasl” – “Qarabağ” matçını stadiondan izləmək və komandamıza dəstək olmaq istəyən azarkeşlərimiz üçün biletlər bu gün saat 15:00-dan etibarən satışda olacaq", - deyə müraciətdə bildirilir.

Qeyd edək ki, azarkeşlər biletlərini iTicket.az saytından əldə edə bilərlər.