Şəmkirdə yol qəzası olub

Şəmkir rayonunda yol-nəqliyyat hadisəsi baş verib.

Operativ Media-nın məlumatına görə, hadisə rayonun Yasamal adlanan ərazisində qeydə alınıb.

Belə ki, hərəkətdə olan avtomobil idarəetmədən çıxaraq yol kənarına aşıb.

Qəza zamanı A.Əliyeva, 2013-cü il təvəllüdlü H.Əliyev və 1969-cu il təvəllüdlü Y.Quliyeva xəsarət alıblar.

Yaralılar xəstəxanaya yerləşdirilib, onların vəziyyətlərinin kafi olduğu bildirilir. İlkin məlumata görə, qəzaya səbəb havanın yağıntılı olması olub.

Hadisə yerinə polis əməkdaşları cəlb edilib, faktla bağlı araşdırma aparılır.