Dünən baş tutan "Qalatasaray" - "Qarabağ" yoldaşlıq matçında Abdullah Zubirin oyunu türkiyəli azarkeşlər tərəfindən çox bəyənilib.

"Operativ Media" xəbər verir ki, matçdan sonra sosial şəbəkələrdə "Qalatasaray" azarkeşləri klub prezidentindən Zubirin transfer edilməsini tələb ediblər. 

Futbolçunun instaqram hesabında fotolara "Come to "Galatasaray" yazan azarkeşlər Zubiri "Azərbaycanın Məhəmməd Salahı" adlandırıblar.

Qeyd edək ki, dünən baş tutan qarşılaşmada "Qalatasaray " 2-1 hesabı ilə qələbə qazanmışdı.