WUF13-də qeydiyyatdan keçənlərin sayı açıqlanıb

Azərbaycan Respublikası Dövlət Şəhərsalma və Arxitektura Komitəsinin sədri, WUF13 üzrə milli koordinator Anar Quliyev Nayrobidə başlamış  2-ci Afrika Şəhərsalma forumu çərçivəsində BMT-nin məskunlaşma proqramının icraçı direktoru Anaklaudia Rossbax ilə görüşüb.

Operativ Media xəbər verir ki, görüş zamanı 17-22 may tarixlərində Bakı şəhərində keçiriləcək Ümumdünya Şəhərsalma Forumunun 13-cü sessiyasına hazırlıq işləri müzakirə edilib.

Forumun başlamasına 39 gün qaldığı və bu günə qədər 16000-dən çox iştirakçı qeydiyyatdan keçdiyi qeyd edilib.

Qeyd edək ki, WUF13 17-22 may tarixlərində Bakı Olimpiya Stadionunda keçiriləcək.