Beynəlxalq İdman Araşdırmalar Mərkəzi (CIES) ən çox vərəqə göstərilən futbol çempionatlarını açıqlayıb.

"Operativ Media" xəbər verir ki, 76 liqanın yer aldığı siyahıda Azərbaycan Premyer Liqası 26-cı pillədədir.

2020-ci ilin yanvarından 2023-cü ilin martına qədər olan müddətdə yerli çempionatda hər oyuna ortalama 5,08 vərəqə göstərilib. Bunlardan 4,81-i "sarı", 0,27-si isə "qırmızı"dır.

Vərəqə sayına görə birinci sırada Boliviya Premyerasıdır. Sözügedən çempionatda hər görüşə 7,01 vərəqə verilir. Bunlardan 6,46-sı "sarı", 0,55-i isə "qırmızı"dır.