Peugeot Azerbaijan şirkəti “Sabah” FK-nın yeni nəqliyyat tərəfdaşı olacaq.

"Operativ Media" xəbər verir ki, tərəfdaşlıq çərçivəsində “Sabah” FK nəqliyyat vasitələri ilə təmin ediləcək. 

Artıq şirkət tərəfindən elektrik mühərrikli, yeni “e-2008 Peugeot” markalı avtomobil “Sabah” FK-nın ixtiyarına verilib. Avtomobil “Peugeot Azerbaijan” şirkətinin direktoru Ramin Mustafayev tərəfindən “Sabah” FK-nın prezidenti Maqsud Adıgözəlova təqdim edilib. 

Bundan əlavə, “Sabah” FK-nın ev oyunlarını keçirdiyi “Bank Respublika Arena”da ehtiyat oyunçular skamyası “Pegeout” brendinə uyğun şəkildə daha rahat və müasir oturacaqlarla təmin edilib, həmçinin stadionda brendin reklam lövhələri yerləşdirilib.