Bakı-Tbilisi-Bakı sərnişin qatarının fəaliyyətinin bərpası ilə bağlı müzakirələr aparılır.

Operativ Media xəbər verir ki, bu barədə İqtisadiyyat.az-ın sorğusuna cavab olaraq Azərbaycan Dəmir Yolları QSC-dən məlumat verilib.

"Verilmiş tapşırığa əsasən, Bakı-Tbilisi-Bakı sərnişin qatarının fəaliyyətinin bərpası ilə bağlı ADY tərəfindən Gürcüstan Dəmir Yolları ilə işçi qaydada texniki və təşkilati məsələlərə dair müzakirələr aparılır", - məlumatda qeyd edilib.

Qeyd edək ki, daha öncə Gürcüstan tərəfi Tbilisi–Bakı arasında gündəlik sərnişin dəmir yolu nəqliyyatının 26 may tarixindən etibarən yenidən fəaliyyətə başlayacağı barədə məlumat yayıb.