“Mən Nigeriyadan gəlmişəm. Buradakı gözləntilərim yalnız digər insanlarla əlaqə qurmaq deyil, eyni zamanda xüsusilə müxtəlif icmaların təcrübələrini və ehtiyaclarını nəzərə alan proqram təminatlarının yaradılması istiqamətində yeni yollar tapmaqdır. İnanıram ki, bu cür platformalar insanların bir-birini daha yaxşı anlamasına və ortaq məxrəcə gəlməsinə kömək edir”.

Bu sözləri Operativ Media-ya açıqlamasında nigeriyalı WUF13 iştirakçısı Çinazaekpere Emmanuel Ofodile bildirib.

“Mən bu tədbirin uğurla təşkil olunmasına görə təşkilatçılara və komandama təşəkkür etmək istəyirəm. Burada insanlar bir araya gəlir, fikir mübadiləsi aparır, müxtəlif mövzular ətrafında müzakirələr edir və öz təcrübələrini paylaşırlar. Bu forum əməkdaşlıq və qarşılıqlı anlaşma üçün çox vacib bir imkan yaradır”, - deyə o, qeyd edib.