Kriştiano Ronaldo oynadı, komandası xal itirdi

Portuqaliyalı hücumçu Kriştiano Ronaldonun formasını geyindiyi "Əl Nəsr" Səudiyyə Ərəbistanı çempionatında növbəti oyununa çıxıb.

"Operativ Media" xəbər verir ki, Riyad təmsilçisi XXIII turda səfərdə "Əl Feyha" ilə qarşılaşıb. Görüş qolsuz bərabərliklə başa çatıb.

Ronaldo bu oyunda start heyətdə meydana çıxıb və sona qədər oynayıb.

"Əl Nəsr" çempionatda 53 xalla ikinci sıradadır və lider "Əl Hilal"dan 3 xal geri qalır.

Yanvarda Səudiyyə Ərəbistanı klubuna keçən Ronaldo çempionatda 11 qol vurub.