Elxan Məmmədov Parisdən Azərbaycan futboluna gülür - FOTO

Dünən İctimai TV-də yayımlanan "Sabaha Saxlamayaq" verilişində Azərbaycan futbolunun problemləri müzakirə edilib.

"Operativ Media" xəbər verir ki, verilişin qonaqları arasında AFFA-nın baş katibi Sərxan Hacıyev, vitse-prezidenti və İcraiyyə Komitəsinin üzvü Vaqif Sadıqov, və De Byazinin köməkçisi Arif Əsədov da var idi. Verilişin aparıcısı illərlə AFFA-ya rəhbərlik etmiş sabiq baş katib, hal-hazırda AFFA-nın İcraiyyə Komitəsinin üzvü Elxan Məmmədovu da bu müzakirələr də iştirak etməsi üçün dəvət etsə də, qarşı tərəf müzakirələrə qoşulmaqdan imtina edib.

"Dəvətiniz üçün təşəkkür etmək istərdim. Lakin bildiyiniz kimi mən 1 ildən çoxdur ölkə xaricində beynəxlaq qurumda FİFA ilə çalışıram. Demək olar ki Azərbaycan futbolu ilə bağlı heç bir iclaslarda, görüşlərdə verilən qərarlarda yaxından və uzaqdan iştirak etmirəm. Ona görə də ölkə futbolunun hal-hazırkı vəziyyəti ilə bağlı proqrama qoşulub hər hansı bir şərh bildirməyimi məqsədəuyğun hesab etmirəm. Amma gələcəkdə ümumi futbola bağlı hər hansı bir verilişiniz olarsa beynəlxalq təcrübəli mütəxəssis kimi təcrubələrimi və tövsiyələrimi sizinlə bölüşməkdən məmnun olaram. Anlayışınız üçün təşəkkür edirəm".