Bu gün AFFA Klublar Komitəsinin növbəti iclası keçiriləcək. Assosiasiya bu barədə öncədən xəbər verməsə də, klub nümayəndələrindən görüşün vaxtını və yerini dəqiqləşdirə bildik.

"Operativ Media" xəbər verir ki, sonuncu dəfə ötən il bir araya gələn komitə 2023-dəki ilk iclasını “Fairmont” otelində reallaşdıracaq. Saat 17:0-da başlayacaq görüşün dəqiq gündəliyi yoxdur. Müzakirələr əsasən klublara ayrılan illik 3 milyon manatın xərclənmə istiqamətləri barədə olacaq. Çünki klubların bəzilərində uşaq futbolu üçün nəzərdə tutulan vəsaitin fərqli məqsədlərə yönəldilməsi barədə informasiyalar var.